Zherom Boateng është në telashe serioze dhe këtë herë akuzat vijnë nga nëna e tij. Kasia Lenhard, ish-partnerja e mbrojtësit gjerman, kreu vetëvrasje më 9 shkurt 2021 në Berlin. Pas kësaj ngjarjeje nisi një proces hetimi, por Boateng nuk u gjet fajtor. Ndërkohë mediat gjermane kanë zbuluar se më 25 mars 2021 nëna e ish-lojtarit të Bajernit dhe kombëtares gjermane, i kishte dërguar email një avokati në Berlin ku shkruhej se: “Për vite me radhë djali im ka abuzuar me femrat mendërisht dhe fizikisht. Tani Kasia Lenhardt ka kryer vetëvrasje dhe ai ende nuk dëshiron të pranojë pasojat e sjelljes së tij”. Media gjermane “Der Shpigel” e ka bërë të ditur sot këtë fakt, duke tronditur edhe një herë opinionin publik. Aktualisht 35-vjeçari Boateng luan me Salernitanën në Serinë A italiane. Pamjet: AFP