Negociatorët kryesorë të presidentit amerikan Donald Trump për çështjen iraniane, Steve Ëitkoff dhe Jared Kushner, vizituan gjatë se shtunës aeroplanmbajtësen amerikane USS Abraham Lincoln në Detin Arabik, ndërsa Uashingtoni dhe Teherani pritet të zhvillojnë së shpejti raunde të tjera bisedimesh. Komanda Qendrore e Ushtrisë Amerikane bëri të ditur vizitën përmes një postimi në rrjetet sociale, duke konfirmuar praninë e dy zyrtarëve të lartë në anijen luftarake me energji bërthamore. Në një postim të tij, Steve Ëitkoff u shpreh se aeroplanmbajtësja dhe grupi i saj goditës “po na mbajnë të sigurt dhe po përforcojnë mesazhin e presidentit Trump për paqe përmes forcës”. Kjo vizitë që tregon se SHBA po negocian nga një pozicion i fortë është edhe një sinjal për Teheranin se, ndërsa bisedimet vazhdojnë, kapaciteti ushtarak amerikan në rajon është real dhe i gatshëm. Duke përforëcuar retorikën se se diplomacia dhe forca ecin paralelisht, me këtë vizitë i dërgohet edhe një mesazh aleatëve rajonalë si Izraelit dhe shteteve të Gjirit: Se shtetet e bashkuara nuk po lëshojnë terren. Aeroplanmbajtësja USS Abraham Lincoln mbërriti në Lindjen e Mesme në muajin janar, në një kohë kur Trump po ashpërsonte kërcënimet ndaj Iranit për shkak të shtypjes së protestave masive antiqeveritare me vrasjen e mijëra protestuesve.