Lufta në Lindjen e Mesme midis Izraelit dhe Hamasit është përhapur në territoret kufitare. Një valë e re sulmesh ka nisur nga ushtria izraelite në periferi të Bejrutit dhe në të gjithë Libanin. Ekipi i Top Channel ishte sot në zemër të luftës, vetëm pak metra larg kufirit mes Libanit dhe Izraelit, ku gazetari Artur Bibe raportoi mes shpërthimeve të vazhdueshme dhe raketave që ndriçonin qiellin herë pas here. Javën e kaluar, Izraeli ndërmori një operacion për eliminimin e pjesëtarëve të grupit Hezbollah, duke shpërthyer nga distanca mjetet e tyre të komunikimit. Kryeministri Benjamin Netanyahu është zotuar të vazhdojë fushatën ushtarake izraelite. Forcat Mbrojtëse të Izraelit i kërkuan popullatës civile në liban që të evakuohej dhe thanë se kishin goditur 1600 objektiva të Hezbollahut. Në përgjigje të sulmeve, Hezbollahu lëshoi mbi 100 raketa drejt Izraelit verior.