Një bombë shpërtheu në hollin e një blloku luksoz apartamentesh në Moskë, duke vrarë një lider paramilitar pro-rus nga Ukraina lindore së bashku me truprojën e tij. Bomba shpërtheu pikërisht në momentin kur një burrë i shoqëruar nga truproja hynë në hollin e një kompleksi rezidencial në brigjet e lumit Moskva të hënën, raportuan mediat ruse. Agjencia shtetërore e lajmeve Tass, duke cituar shërbimet e sigurisë, raportoi se shpërthimi ishte një sulm ndaj Armen Sarkisyan, kreut të Federatës së Boksit në Donetskun e pushtuar nga Rusia dhe themeluesit të një batalioni që luftonte kundër Ukrainës. Sarkisyan, i cili kërkohej në Ukrainë, kishte një histori të gjatë të mbështetjes së forcave pro-ruse në Ukrainë. Sarkisyan u dërgua në spital në gjendje kritike, ku më pas ndërroi jetë nga plagët, ndërsa truproja e tij u vra menjëherë.