Një oficer policie i veshur si një arush pellushi gjigant i Shën Valentinit me një dhuratë të rreme, është shfaqur para një shtëpie në Lima. Veshja ishte një kamuflazh për të futur në grackë një trafikante droge. Në momentin që oficeri i veshur si arush troket në derën e saj, gruaja del nga shtëpia dhe arrestohet. Kaq ka mjaftuar që oficerë të tjerë të hyjnë në shtëpi dhe të sekuestorjnë drogën. Sipas AFP-së në aksion e policisë në Lima janë arrestuar dy gra. Kolonel i Policisë Kombëtare Peruane, Ëalter Palomino, u shpreh se grupi i Termës, që i përket forcave të fshehta të policisë shkojnë gjithmonë në fshehtësi për të kryer këto lloj operacionesh me qëllim që të jenë të sigurt se gjithçka do shkojë pa probleme dhe objektivi do bjerë në grackë. Policët thanë se gjatë operacioneve të tyre zgjedhin shpeshherë truke për të futur në grackë trafikantët, Kësaj here përfituan nga festa e Shën Valentinit.