Gjendja e sigurisë në Kosovë vijon të mbetet shumë e paqëndrueshme, kështu deklaroi komnandanti i trupave të NATO-s në Kosovë, Angelo Michele Ristuccia. Sipas tij ende nuk është arritur stabilizimi për shkak të dallimeve politike, pavarësisht qetësimit të situatës pas një periudhe të gjatë tensionesh. “Gjendja është e qetë, pas ngjarjeve të 20 majit. Por, në njëfarë mënyre, ende është shumë e paqëndrueshme. Ne i perceptojmë tensionet, për shkak të shumë çështjeve të pazgjidhura”, deklaroi ai. Ndër të tjera Ristuccia shtoi se palët janë mosbesuese me njëra-tjetrën, por zgjidhja e vetme është rruga politike. Tensionet në veri të Kosovës, zonë e banuar me shumicë serbe, u rritën në fund të majit, pasi banorët lokalë kundërshtuan kryetarët e rinj shqiptarë të komunave që u zgjodhën gjatë muajit prill. Më shumë se 90 ushtarë të forcës paqeruajtëse të NATO-s, KFOR, u lënduan gjatë përleshjeve me protestuesit serbë në veri. Kosova dhe Bashkimi Evropian kanë rënë dakord për hapat që duhet të ndërmerren për shtenisionimin e situatës, përfshirë edhe reduktimin e pranisë policore në komunat veriore dhe mbajtjen e zgjedhjeve të reja. Pamjet: AFP