Pa lënë që të rrjedhë shumë kohë nga marrja në pyetje e Xhelal Mziut, ish kryetar i Bashkisë së Kamzës, Spak ka thirrur për të pyetur Rakip Sulin, si denoncuesi i paraardhësit të tij në këtë detyrë. Rakip Suli qëndroi përballë prokurorëve të posacëm për gati tre orë për të dhënë detaje por edhe prova sipas tij mbi shkeljet e ish kryebashkiakut. Si numri një i kësaj bashkie në mbyllje të dhënies së dëshmisë, Rakip Suli i shpjegoi në telefon top channel se dha deklarime të imtësishme për kallzimet që ka depozituar bashkia e Kamzës ndaj ish zyrtarit aktualisht me mandatin e deputetit. Dorëzova dokumenta shtesë u shpreh më tej Suli që kanë të bëjnë me abuzimet me detyrën të Mziut . nga ana tjetër ish kryebashkiaku tanimë deputet i PD pohoi më herët se dha deklarime për të cilat tha se ruan sekretin. Megjithatë ajo që dihet jo zyrtarisht është se gati dy vjet më parë Mziu u denoncua për shëprdorim detyrë mbasi dyshohet se favorizoi subjekte private për leje zhvillimi dhe ndërtimi që ata të mos kalonin 3 përqind të sipërfaqes funksionale për banesa sociale. Bashkia kamëz pretendon se dëmi paraprak është 22 milionë lekë. ndërkohë që denoncimi tjrtër lidhet me linjat e transportit të udhëtarëve dhe lincensimin e tyre edhe pse mungonin dokumentat e nevojshme