Një modele është marrë peng dhe përdhunuar nga dentisti i saj. Stefania Costache, e njohur në rrjetin social Instagram, në dëshminë e saj, tregoi se shkoi në klinikën e dentistit Costin Iulian Berechet për një ndërhyrje estetike për dhëmbët, por të nesërmen e gjeti veten në shtëpinë e tij, pasi ishte droguar dhe përdhunuar. Dëshmia e saj vitin e kaluar nxiti hetimin e policisë. Sipas saj, Berechet e kishte kontaktuar përmes rrjeteve sociale, ku i kishte bëri një ofertë për rregullimin e dhëmbëve. “Në janar 2020, doktori më bëri një ofertë për rregullim të dhëmbëve, për probleme që ishin të dukshme kur kushtonin shumë. Pranova në këmbim të një reklame në Instagram”, tha modelja në dëshminë e saj. Berechet i mohoi akuzat, por hetimet nxorën se dentisti e kishte përdhunuar modelen në shtëpinë e tij në Rumani. Ai u dënua me dhjetë vite heqje lirie nga gjykatësit rumunë për përdhunim dhe heqje të lirë në mënyrë të jashtëligjshme. Po ashtu, është urdhëruar të paguajë viktimën 50 000 dollarë kompensim dhe është ndaluar të ushtrojë profesionin deri në pesë vjet pas lirimit nga burgu. Ndërsa Costache, me mbi 240.000 ndjekës në Instagram, është lavdëruar për këmbënguljen ndaj policisë për të vepruar në lidhje me akuzat. Në gjykatë u tha se të tjera viktima janë abuzuar nga doktori, por do të hetohen në çështje të veçanta pas grumbullimit e provave, shkruan rrjeti britanik The Sun.