Sekretarja e Brendshme e Mbretërisë së Bashkuar, Suella Braverman ishte në qendër të debateve në parlament këtë të hënë. Shkak u bë një lajm I publikuar pak ditë më parë nga mediat angleze për një gjobë shpejtësie që Braverman kishte marrë tek lëvizte me makinë. Ndëshkim për të cilin, ajo kishte kërkuar ndihmën e një nëpunësi civil për ta shmangur me qëllim që të mos I hiqeshin pikët nga patenta. Deputetët e opozitës kërkuan nisjen e një hetimi etik ndaj ministres së Brendshme, me pretendimin se mund të ketë shkelur kodin ministror të sjelljes. "Verën e kaluar, po ecja me shpejtësi. Më vjen keq për këtë," tha Suella Braverman në Dhomën e ulët në Kuvend. Ministrja pohoi se gjobën e kishte marrë gjatë kohës kur ishte prokurore e përgjithshme dhe se në asnjë moment nuk ka tentuar që t’I shmanget ndëshkimit.