Ministri i Jashtëm moldav, Mihail Popşoi tha se buxheti i mbrojtjes së Moldavisë është shumë më i vogël se ai i klubit të futbollit të Real Madrid. Deklarata u bë para pak ditësh gjatë një interviste televizive, sipas medias turke Sabah TV, ku Popsoi nënvizoi se edhe pse qeveria e rriti buxhetin në rreth 50 milionë ai përsëri është i pamjaftueshëm për nevojat ushtarake. “Ndonjëherë shikoj buxhetin e klubeve të futbollit në Evropë, për shembull Real Madrid. Vetëm blerja e Bellinghamit i kushtoi Real Madridit 103 milionë euro, më shumë se dyfishi. Linja e tyre e mbrojtjes është më e shtrenjtë se investimet tona në ushtrinë kombëtare. Prandaj ka ende vend për investime.”, tha ai ndërsa përmendi më tej edhe klubet europiane si dhe ato saudite që kanë shpenzuar shuma tejet të mëdha gjatë merkatos verore. Moldavia ka vendosur në shërbim të mbrojtjes vetëm 0.41 të prodhimit të brendshëm bruto. Vlerë kjo që edhe pse ka ardhur në rritje gjatë viteve të fundit, ato kanë qenë shumë të vogla. Pamjet: AFP