Roberta Metsola është rizgjedhur të martën si Presidente e Parlamentit Evropian për një mandat dy vite e gjysmë. Metsola nga Partia Popullore Evropiane, e cila mori detyrën në janar të vitit 2022, u përball vetëm me një kundërshtar nga e majta. Ajo mori 562 vota nga 720 në total, duke siguruar rizgjedhjen që në rundin e parë. Metsola ka thënë se sfidat që e presin Evropën kërkojnë një udhëheqje të fortë. "Dua të ndihmoj për të kapërcyer boshllëqet e mbetura midis asaj që njerëzit presin nga Evropa dhe asaj që ne mund të ofrojmë. Sfidat që na vijnë do të kërkojnë udhëheqje të fortë”, deklaroi ajo. Presidenten e rizgjedhur të Parlamentit Europian e ka uruar edhe kryeministri Edi Rama nëpërmjet një statusi në platformën X. Votimin me 562 vota ai e cilësoi si dëshmi e lidershipit dhe vizionit të saj. Pamjet: AFP