Ilir Meta përplasi 33 herë dorën në tavolinë gjatë fjalimit që mbajti në mbledhjen e kryesisë të enjten pasdite. Kryetari i partisë së Lirisë e kishte humbur sërish qetësinë duke akuzuar fillimisht një bankë të nivelit të dytë se kishte tentuar ti mbyllte llogaritë dhe më pas ish-presidenti i Shqipërisë e kërcënoi bankën se mund ta falimentonte atë për 24 orë. Meta akuzoi sërish për mafie ndërkombëtare, kërcënoi kryeministrin Edi Rama, u mor edhe me ish-eksponente të partisë së tij duke i quajtur laraska të LSI, por në fund sërish nuk e tha emrin e bankës. Nuk munguan edhe sulmet e fyerjet e përsëritura ndaj kreut të Spak Altin Dumanit dhe ndaj ish-anëtarëve të Partisë së tij që i konsideron tradhtarë, por këtë herë toneve të ashpra nuk iu shpëtoi as Sekretari i Përgjithshëm, Tedi Blushi, që sipas Metës ishte i paqartë dhe shumë i urtë.