Kur Kosovën e ndan më pak se një muaj nga liberalizimin i vizave për qytetarët e saj në Bashkimin Europian, arritje madhore nga e cila përfitojnë edhe serbët e Kosovë,s kryeminsitri Albin Kurti iu është drejtuar pikërisht këtyre të fundit. Mesazhi i kryeministrit të Kosovës është në gjuhën serbe, si për të treguar unitetin e shtetit që drejton, brenda të cilit respektohen edhe pakicat. Albin Kurti i informoi qytetarët serbë në Kosovë në lidhje me aplikimin për anëtarësim në Këshillin e Evropës, liberalizimin e vizave dhe rritjen e interesimit për t'u pajisur me pasaporta dhe targa të Kosovës. “Qytetarët e Kosovës që dëshirojnë të vizitojnë familjet e tyre dhe të shohin nga afër kulturën e vendeve të rajonit Shengen, do të jenë të lirë të udhëtojnë pa viza nga 1 janari. Jemi të kënaqur që interesimi për përdorimin e kësaj mundësie po përhapet në të gjithë vendin, nga veriu në jug, me një rritje prej rreth 30% të aplikimeve për pasaporta biometrike këtë vit krahasuar me të kaluarin. falënderoj të gjithë ata që treguan besim për një Kosovë më të mirë. Ju përshëndes shumë dhe ju uroj të gjitha të mirat”, u shpreh Kurti.