Një grup sulmuesish shpërthyen një bombë dhe qëlluan me armë sot në ndërtesën e kompanisë së mbrojtjes dhe hapësirës ajrore të Turqisë, duke vrarë tre njerëz dhe duke i plagosur disa të tjerë, thanë zyrtarët. Të paktën dy nga sulmuesit u vranë, tha ministri i Brendshëm i Turqisë, Ali Yerlikaya, dhe se 14 të tjerë u plagosën. Ministri i Brendshëm nuk dha më shumë hollësi rreth sulmit në kompaninë e cila është në pronësi të shtetit turk, në periferi të kryeqytetit Ankara. Ndërkohë, mediat vendase raportojmë uk është e qartë se kush qëndron pas këtij sulmi. Në rrjet janë publikuar edhe pamjet ku një grup sulmuesish mbërritën në hyrje të ndërtesës së kompanisë me një taksi dhe se sulmuan personelin e sigurisë. Një nga sulmuesit e shpërtheu një bombë, ndërsa të tjerët ia dolën të futen brenda ndërtesës me kallashë në duar. Kompania e cial u sulmua, prodhon avionë dhe helikopterë ushtarakë dhe civilë, si dhe sisteme dronësh për Forcat e Armatosura të Turqisë dhe për vende të tjera të botës.