Një shofer që vrau një vajzë me të cilën po udhëtonte kur humbi kontrollin e automjetit të tij teksa i mburrej për aftësitë e drejtimit, është dwnuar me 7 vite burg në Britani. Rida Kazem arriti shpejtësinë 180 km/orë para aksidentit të rëndë kur mjeti i tij u përplas me një makinë të parkuar dhe ra nga ura në binarët e trenit në veri të Londrës. Makina e tij goditi një Tesla të parkuar para se të binte në binarët e trenit, çka i kushtoi jetën pasagjeres, 33 vjeçare Yagmur Ozden. Një tjetër pasagjere që ndodhej në makinë, Zamarod Arif, pësoi dëmtime të rënda duke përfshirë një krah e një këmbë të thyer. Kazem ishte duke i çuar në shtëpi dy vajzat pasi kishin dalë së bashku mbrëmjen e 22 gushtit 2022. Sot ai u dënua me shtatë vjet burg nga gjykata e Isleworth. Drejtuesi i automjetit Range Rover që kushton rreth 120,000 paundë, 24-vjeçari Rida Al Mousawi si dhe pasagjerja në sediljen e parë Zamarod Arif, i mbijetuan aksidentit të tmerrshëm.