Një tragjedi ajrore e përmasave të frikshme ka goditur Indinë, ku një avion i linjës Air India u rrëzua vetëm pak sekonda pas ngritjes nga aeroporti i Ahmedabadit, duke vrarë 241 nga 242 pasagjerët, përfshirë dhe anëtarët e ekuipazhit në bord. Pak çaste para rrëzimit shkatërrues, kapiteni SumeetSabharwal, lëshoi një thirrje emergjente për ndihmë: “Mayday… po humbasim fuqinë, pamundësi të ngrihemi”. Këto ishin fjalët e fundit të regjistruara nga kabina e pilotit, ndërsa avioni, i ngarkuar me rreth 90 ton karburant për fluturimin drejt Londrës, u përplas në një zonë të banuar vetëm 1.5 milje larg pistës. Mes një skene apokaliptike, një burrë britanik, arriti të mbijetojë. Ai eci i vetëm përmes rrënojave, me trupat e pasagjerëve dhe banorëve të djegur përreth tij. Rreth 50 viktima janë raportuar edhe nga toka, kryesisht mjekë dhe studentë që ndodheshin në mensën e Kolegjit Mjekësor, godinë që u godit drejtpërdrejt nga avioni në flakë.