Biznesmeni Ylli Ujka njëherazi presidenti i ekipit të basktbaollit “Beselidhja” ka rënë pre e një skeme mashtrimi pak ditë më parë, ku tre persona i kanë zhvatur 15 mijë euro duke u prezantuar si kryebashkiaku i Lezhes, Pjerin Ndreu. Shkëlqim Domi, Saimir Sallaku, të dy banues në Shijak dhe Shefik Kurti, banues në Itali janë tre mashtruesit që përdoren emrin e Ndreut për të zhvatur para nga biznesmeni Ylli Ujka. Skema e mashtrimit u zbulua disa ditë më parë nga Krimi Ekonomik pas denoncimit të bërë në komisariatin e Lezhes nga vete biznesmeni Ujka. Por si funksiononte kjo skeme mashtrimi? Shkelqim Domi, Saimir Sallaku dhe Shefik Kurti e kanë kontaktuar nëpërmjet aplikacionit “Signal” Ylli Ujkan duke ju prezantuar si kryebashkiaku Ndreu duke i kërkuar kështu një shumë prej 15 mijë eurosh. Ujka nuk ka heziatur duke kryer transferten e parave me datë 14 korrik. Pas 3 ditësh me 17 korrik tre persona e kontaktuan serish duke i kërkuar një shumë parash prej 20 mijë eurosh, por duket se ne ktë rast biznesmeni e ka kuptuar që ka qën një mashtrim duke bërë dhe denoncimin në policine e Lezhes. Në lidhje me ktë mashtrim ka reaguar dhe kryetari i Bashkise Lezhe Pjerin Ndreu emri i të cilit u përdor për të zhvatur shume e parave, ku ka treguar se nuk i njeh personat që kanë pordorur emrin e tij, po ashtu ka thën se nëse dikush ka rën pre e një skeme mashtrimi të tillë të denoncojë ne polici. Pas hetimeve të kryera policia e Lezhes ka vën në pranga për vepren penale Mashtrimi” me pasoja të rënda, kryer në bashkëpunim Saimir Sallaku 37 vjec si dhe Shkelqim Domi 35 vjec të dy banues në Shijak, si dhe është shpall në kërkim Shefik Kurti banues në Itali. Nje mik, biznesmen nga Lezha, ka rene pre e nje mashtrimi, ku disa shtetas, te panjohur per mua, kane perdorur emrin tim per ti marre para! Para ca ditesh ne e kapem situatën, denoncum, dhe u be e mundur kapja e autoreve nga ana e Policise Lezhe! Nese ka persona te tjere qe kane rene pre e ketij mashtrimi, ju lutem te denonconi ne polici!”, shkruan Ndreu në Facebook.