Emmanuel Macron u kthye i zemëruar në Francë pasi u shpërfill nga Boris Johnson në atë që duhet të ishte një takim përballjeje mes tyre. Presidenti i vrenjtur francez u largua nga konferenca e klimës një ditë përpara përpara liderëve të tjerë, i shpërfillur nga Jonson, pavarësisht se Macron i shtyu kërcënimet për nisjen e një lufte tregtare me Britaninë. Macron po e kërkonte përballjen me kryeministrin britanik. Ai insistoi të uleshin ballë për ballë me njëri tjetrin në një kohë kur tensionet mes dy vendeve për të drejtat e peshkimit, janë përflakur sërish. Por shefi i ekzekutivit britanik ia kushtoi të gjithë vëmendjen e tij familjes mbretërore, duke e anashkuar presidentin francez, avioni privat i të cilit shumë shpejt pas kësaj u largua nga aeroporti i Glasgow-t. Burime nga pala franceze insistojnë se shefi i Elizesë e kishte pasur që përpara në plan të kalonte vetëm një ditë në Skoci. Por axhenda e tij ndërkohë fliste ndryshe, sepse aty parashikoheshin disa takime rutine, që u anulluan. Franca liroi më heret peshkarexhen britanike të sekuestruar javen që shkoi ndërsa zgjodhi po ashtu të mos vendosë sanksione tregtare për momentin. Ato do të hynin në fuqi sot. Parisi kishte kërcënuar ndër të tjera se do të mbyllte disa porte për anijet britanike të peshkimit. Nga ana e saj, qeveria në Londër kishte paralajmëruar edhe masa të forta.