Një operacion i përbashkët i policisë italiane dhe asaj turke ndërpreu veprimtarinë e një grupi kriminal që synonte të kryente sulme terroriste. Në pranga kanë rënë 19 anëtarë të këtij grupi përfshi edhe një kreun e grupit, që dyshohet se kishte lidhje me sulmet e fundit në Turqi. Qindra policë kryen arrestimet në Itali, Zvicër, Gjermani dhe Turqi, tha policia në një deklaratë, duke parandaluar vënien në zbatim të një sulmi terrorist. Ministri i Brendshëm i Turqisë, Ali Yerlikaya tha se 17 nga të arrestuarit në Itali ishin turq, duke përfshirë Baris Boyun, 39 vjeçarin e njohur si kreu i një bande që ka kryer vrasje në Turqi. Po ashtu gjatë aksionit janë arrestuar edhe dy shtetas italianë. Grupi në fjalë akuzohet se kreu sulmin e armatosur në një tubim gjatë fushatës për zgjedhjet e Stambollit. Ky grup po ashtu dyshohet për vrasje, trafik ndërkombëtar droge dhe trafik klandestinësh. Në mars Turqia njoftoi një operacion të madh ndaj të njëjtit grup dhe arrestoi 13 eksponentë, pas dyshimeve se po planifikonin atentate dhe sulme të armatosura. Përmes një deklarate prokurorët e Milanos njoftuan se grupi i shtrirë në Itali mbante lidhje me anëtarë të tjerë në disa shtete europiane. Për arrestimin e tyre u përdorën një sërë përgjigjesh të ndërlikuara si dhe u kërkua asistenca e Interpolit.