Kontrata e re e lobimit të PD me vlerë 6 milion dollarë, në Shtetetet e Bashkura të Amerikës me kompaninë ‘Continental Strategy” do të jetë subjekt hetimi nga prokurorët e posaçëm. Përmes një njoftimi të shkurtër SPAK thotë: “Prokuroria e Posaçme ka nisur verifikimet në lidhje me kontratën e lobimit të subjektit politik Partia Demokratike”. Nëse do ti referohemi hetimeve të ngjashme në të shkuarën, prokurorisë së posaçme do ti duhet të dërgojë një letër porosi në adresë të departamentit FARA dedikuar lobimit, në departamentin e drejtësisë në Washington. Në kërkesën e SPAK do të specifikohet pasja e kontratës origjinale paçka se departamenti FARA e publikoi atë në faqen online. Pjesë e rëndësishme e këtij hetimi do të jetë se kush dhe në çfarë forme janë paguar këstet e para parashikuar në këtë kontratë dhe a përputhen sqarimet e PD për pagesën. Kjo vënie në lëvizje e SPAK vjen vetëm 24 orë pasi është publikuar kjo kontratë lobimi me afat dy vjeçar ku shuma e pagesave në total shkon në 6 milion euro.