Lija e majmunëve "nuk është Covid i ri", pasi autoritetet e kanë të qartë se si ta kontrollojnë përhapjen e saj, ka thënë një ekspert kryesor i Organizatës Botërore të Shëndetësisë. Me gjithë shqetësimin e vërtetë për një variant të ri të virusit dhe një alarm global, drejtori rajonal i Evropës, Dr Hans Kluge u ka thënë gazetarëve, se së bashku është e mundur që të trajtohet lija e majmunëve, ose siç quhet ndryshe, Mpoksi. Një rast i variantit të ri i quajtur “Kleid Ib”, u konfirmua në Suedi javën e kaluar dhe lidhej me një shpërthim në rritje në Afrikë. Lija e majmunëve ka vrarë të paktën 450 njerëz në Republikën Demokratike të Kongos. Ka ende shumë për të mësuar rreth variantit të ri, thonë ekspertët, por ai mund të përhapet më lehtë, duke shkaktuar sëmundje më të rënda. Por ekspertët dinë se si të kontrollojnë mpoxin, pavarësisht nga varianti, përmes veprimeve jodiskriminuese të shëndetit publik dhe qasjes së barabartë në vaksina, thonë mjekët. Virusi, i cili shkakton ethe dhe skuqje, mund të përhapet nga kontakti lëkurë me lëkurë, duke përfshirë edhe gjatë marrëdhënieve seksuale.