Nga Kosova, ku mori pjesë në kremtimin e 147-vjetorit të Lidhjes Shqiptare të Prizrenit, presidenti Bajram Begaj theksoi rëndësinë historike dhe frymën e bashkimit kombëtar që kjo ngjarje përfaqëson. Teksa në fjalën e tij nxorri në pah simbolikën e kësaj date për kombin shqiptar, duke e konsideruar si themelin e lëvizjes për bashkim dhe pavarësi kombëtare, Begaj vuri në dukje se Shqipëria dhe Kosova janë dy shtete të një kombi dhe se ecin përpara së bashku në rrugën drejt integrimit evropian.