Pas takimit të zhvilluar në Bruksel, liderët Europian I kanë kërkuar Prishtinës zyrtare që të fillojë procedurat për themelimin e asosacionit në komunat veriore me shumicë serbe, ndërsa Beogradit njohjen-deacto të Kosovës. Në një deklaratë të përbashkët, të publikuar nga qeveria gjermane, Macron, Scholz, Meloni dhe zyrtarët e tjerë të BE nënvizojnë të dyja palët duhet të përmbyshin detyrimet e tyre hap pas hapi, ndërsa theksojnë se duhet “të japin diçka, për të marrë diçka”. “Për të arritur progres të shpejtë në zbatim, ne i bëjmë thirrje Kosovës që të nisë procedurën për themelimin e Asociacionit të Komunave me Shumicë Serbe në Kosovë siç është përshkruar në draft Statut dhe Serbisë që të bëjë njohjen de-facto. Formalitetet, duke përfshirë edhe miratimin, nuk duhet të pengojnë përparimin në këtë çështje.”, thuhet në deklaratë. Liderët europian theksojnë gjithashtu se Kosova dhe Serbia duhet të bien dakord për detajet e dialogut dhe të bëjnë progres në normalizimin e marrëdhënieve. Ndërsa nënvizojnë se fokusi tani duhet të jetë në avancimin e zbatimit të plotë të Marrëveshjes pa parakushte apo vonesa.