Enver Hoxha ringjallet në politikë. Nëpërmjet një email zyrtar, Biblioteka e Kuvendit të Shqipërisë ju ka dërguar deputetëve një lista me personalitetet e lindur gjatë muajit tetor, ku bashkë me Sulejman Delvinën, mbretin Zog, Migjenin, Dritëro Agollin apo Gjergj Fishtën renditet edhe diktatori Hoxha. Në përshkrimin e materialit të Institutit parlamentar ai shquhet si hero i popullit, hero i punës socialiste, si udhëheqësi që drejtoi shtetin shqiptar pas luftës. Ky informacion ka shkaktuar indinjatën e opozitës të cilët e konsiderojnë jo vetëm tallje me shqiptarët por edhe një përpjekje për të manipuluar historinë që shkel mbi dhimbjen e mijëra të vrarëve të komunizmit.