Vrasja e liderit suprem të iranit, ajatollahut Ali Kamenei ka nxitur transferimin e dytë të pushtetit që nga revolucioni iranian i vitit 1979. Procesi për të zgjedhur pasardhësin e një udhëheqësi suprem, i cili është gjithashtu komandanti i përgjithshëm është kompleks. Në përputhje me kushtetutën, një këshill udhëheqës i përkohshëm prej tre anëtarësh është tani në krye të vendit. Ai përfshin presidentin aktual reformist, Masoud Pezeshkian, kreun e gjykatës së lartë, Mohseni Ejehei, dhe një jurist dhe klerik i lartë, si Ajatollah Ali Reza Arafi. Ata do të sundojnë derisa organi i ngarkuar me zgjedhjen e klerikut më të lartë, Asambleja e Ekspertëve, e përbërë nga 88 klerikë të moshuar të mblidhen. Ndërsa një gjë e tillë duket e pamundur në mes të sulmeve të koordinuara të SHBA-ve dhe israelit, Ministri i Jashtëm Abbas Aragchi ka thënë se zgjedhja mund të bëhet "brenda një ose dy ditësh". Tradita dhe precedenti historik favorizojnë modelin e një figure të vetme me autoritet absolut fetar dhe politik.