Kryeministri i Kosovës, Albin Kurti është takuar në Davos me Zëvendës Sekretarin për Çështjet Evropiane dhe Euroaziatike të Departamentit të Shtetit amerikan, James O’Brien. Ky i fundit i ka shprehur vlerësimin për përparimin ekonomik dhe demokratik të Kosovës, sic shkruan kurti në një postim në rrjetin social X, ndërkohë që e ka përgëzuar edhe për përmbajtjen përballë sulmeve e provokimeve. “SHBA është një mik dhe aleat i çmuar. Ne presim bashkëpunim të vazhdueshëm”, ka shkruar më tej në X, kryeminsitri i Kosovës. Ndërkohë, në njoftimin e Zyrës së Kryeministrit thuhet se në takimin mes tyre u theksua angazhimi e përkushtimi për fuqizimin e bashkëpunimit e thellimin e marrëdhënieve të Kosovës me Shtetet e Bashkuara të Amerikës. “Biseda u fokusua në aktualitetin në vend e rajon. Si partnerë dhe aleatë, jemi gjithmonë të bashkërenduar dhe në komunikim të vazhdueshëm”, thuhet ndër të tjera në komunikatën e Zyrës së Kryeministrit.