Kryeministri Albin Kurti, ka thënë se Serbia nuk pret që ta njohë Kosovën së shpejti edhe pse e ka kuptuar se është shtet. Ai ka folur gjatë diskutimit të organizuar në “Shtëpinë e Kosovës” në Davos të Zvicrës me ish-politikanin britanik, Rory Steëart, në margjinat e Forumit Ekonomik Botëror. “Nga katër fqinjët që kemi, tre prej tyre na njohin: Shqipëria, Mali i Zi dhe Maqedonia e Veriut. Serbia nuk na njeh dhe nuk duket se duan ta bëjnë së shpejti edhe pse, unë mendoj që, ata e kuptojnë më mirë se kurdoherë më parë se jemi tjetër shtet. Realiteti ka ndryshuar shumë. Ajo çfarë ne kemi nevojë të ndodhë është që ëndrra e tyre për rikthim në Kosovë të shuhet” Kurti ka folur edhe për bllokadën institucionale në vend që nga shkurti i vitit të shkuar. Ai ka thënë se nuk ka pasur synim zgjedhjet e reja, porse ato kanë ardhur si pasojë e mungesës së bashkëpunimit nga opozita.