Kryetari i Lidhjes Demokratike të Kosovës, Lumir Abdixhiku e kritikoi ashpër kryeministrin e Kosovës, Albin Kurti dhe deputetë të tjerë të lëvizjes Vetëvendosje për pjesëmarrjen në fushatën zgjedhore në Shqipëri. Në një postim në rrjetet sociale, Abdixhiku shprehej se qeveria i ka braktisur njerëzit e vet. “ Mazhoranca që zgjodhi ky vend ka preferuar të kthehet në opozitë që proteston dhe bën fushatë në një vend tjetër, e kjo pikërisht në pikun e një krize shëndetësore dhe ekonomike”, u shpreh kreu i LDK-së. ligjvënësi Abelard Tahiri i partisë demokratike të Kosovës ndante të njëjtin mendim. Ai e tërhoq vëmendjen tek bilanci i vdekjeve nga Covid 19 që prej krijimit të qeverisë së re, duke e akuzuar Kurtin se nuk ka bërë gjë tjetër, përvec një shtrëngimi të masave ekzistuese. “ E vetmja gjë që arriti kjo qeveri ishte të izolonte Kosovën, teksa ministrat e saj dhe ligjvënësit thyejnë ndalimin e lëvizjes, dhe shkojnë në Shqipëri të bëjnë fushatë”, u shpreh ai. Tahiri shtoi se ndërhyrja e kreut të ekzekutivit në zgjedhjet e Shqipërisë përbën një precedent të rrezikshëm. Një sërë zyrtarësh të VV kanë qenë në shqipëri këto ditë për fushatën, ndërsa Kurti i ka mbështetur edhe personalisht kandidatët e vetevendosjes në Shqipëri përpara se qeveria e tij të votohej në parlament.