Mijëra kritikë të luftës së Izraelit në Gaza dolën mbrëmë në qendër të Uashington për të protestuar ndaj fjalës së kryeministrit izraelit Benjamin Netanyahu në Kongresin e SHBA. Ata kanë djegur flamujt amerikanë dhe janë përplasur me oficerët e policisë. Ndër të tjera e gjithë protesta ishte e mbushur me banderola dhe kukulla që specifikonin vrasjet në Gaza. Qindra protestues në sheshin Union Station Plaza zëvendësuan flamurët amerikanë me ato palestinezë, dogjën një flamur vendas dhe një marionetë që përfaqësonte Netaniahun. Vizita e izraelitit të kontestuar në Kongresin e SHBA solli protestën e mijëra njerëzve rreth ndërtesës së Capitol Hill, thirrjet e të cilëve “Palestina e lirë!” dëgjoheshin teksa Netanyahu fliste në Kongres. Prej muajsh lëvizjet e majta pro-Palestinë në SHBA argumentojnë se Shtëpia e bardhë nuk ka ushtruar presion ndaj Izraelit për armëpushimin në Gaza, por ne fakt kanë dërguar miliarda dollarë në formë armatimesh e municionesh drejt Izraelit çka ka sjelle vdekjen e mijëra njerëzve te pafajshëm. Protesta ka qenë kryesisht paqësore me disa episode kaosi, si në rastin e ndalimit të marshimit para një barrikade, ku policët përdorën spraj djegës ndaj protestuesve. Pamjet: AFP