Policia po vijon hetimet lidhur me fushatën e mashtrimit që po ndodh nëpërmjet sistemeve kompjuterike. Pas njoftimit të bërë një ditë më parë, uniformat blu thonë se kanë arritur ta parandalojnë këtë skemë mashtrimi që synonte tu merrte para qytetarëve. Mashtruesit u dërgonin emaile në postat elektronike qytetarëve por dhe subjekteve të ndryshme tregtare dhe kamufloheshin si drejtues të policisë. Me argumentin se ndaj tyre kishte nisur një procedim penal, mashtruesit u kërkonin qytetarëve para në këmbim që më pas të mos zbatonin urdhrin e gjykatës për t’I arrestuar. Lidhur me këtë rast, drejtoria për hetimin e krimeve kibernetike po punon me qëllim identifikimin e autorëve, ndërsa fton të gjithë qytetarët që nëse u ka shkuar ky email të njoftojnë menjëherë policinë dhe të mos bien pre me mashtrimit.