Kryeministri nacionalist i Hungarisë, Viktor Orban, ka deklaruar se Donald Trump ka një plan të detajuar për të arritur përfundimin e luftës ruse në Ukrainë. “Fitorja e Trump do të thotë që BE duhet të rihapë bisedimet diplomatike me Moskën’- ka thënë Orban në një letër drejtuar një organi të lartë të BE-së që ka të ngjarë të ndezë tensionet në lidhje me punën e pavarur diplomatike të kryeministrit hungarez. Orbán, i cili u takua me Trumpin javën e kaluar, u shpreh se kandidati republikan për president ishte gati të vepronte si ndërmjetësues i paqes sapo të zgjidhet si president. “Rezultati i mundshëm i një fitoreje të Trump nënkuptonte që BE-ja duhet të rihapë “linjat e drejtpërdrejta të komunikimit diplomatik” me Rusinë dhe “bisedimet politike të nivelit të lartë” me Kinën, shkroi Orbán në letrën drejtuar presidentit të këshillit, Charles Michel. Kryeministri hungarez tha se fitorja e pritshme e Trump do të nënkuptonte se barra financiare e mbështetjes së përpjekjeve të luftës të Ukrainës do të zhvendosej në BE. Në përgjigje, Michel e qortoi Orbanin, duke thënë se ai nuk kishte mandat të angazhohej në bisedime ndërkombëtare në emër të BE-së.