Banorët e qytetit francez Avallon reagojnë të tronditur për arrestimin e kryebashkiakes, që u kap një ditë më parë me 70 kilogramë kanabisi të fshehura në shtëpinë e saj. Ajo u arrestua së bashku me dy vëllezërit, njoftuan autoritetet të dielën. Jamilah Habsaoui, kryebashkiake e Avallon që nga viti 2021 dhe këshilltare rajonale, ishte një nga ndër objektivat për bastisjet e policisë pas një hetimi për trafikun e drogës në qytetin lindor që zgjati disa javë. Sipas Prokurorisë, shtëpia e kryebashkiakes, bashkia dhe farmacia ku punonte Habsaoui u kontrolluan nga oficerët. Habsaoui dhe dy vëllezërit ishin mes shtatë personave të arrestuar, ku ndër të tjera u gjet 983 gramë kokainë, 7.000 euro rreth 20 shufra ari. Operacioni u krye si pjesë e një fushate mbarëkombëtare për të shtypur tregtinë në rritje të drogës në qytetet franceze.