Raportuesja e Kosovës në PE: Ushtria digjitale e Vetvendosjes kufizon lirinë e shprehjes Marrëdhëniet e Albin Kurtit, kryeministrit të Kosovës me ndërkombëtarët gjatë muajve të fundit kanë qenë në nivele kritike. Këmbëngulja për “dinarin”, por edhe përplasjet për disa çështje të tjera kanë sjellë reagime fshikulluese nga SHBA dhe BE në adresë të Kurtit dhe qeverisë së tij. Kritika më e fundit ndërkohë vjen nga Raportuesja e Kosovës në Parlamentin Europian, Viola von Kramon, e cila ka deklaruar se Vetëvendosja po kufizon lirinë e shprehjes. Ajo ka shpërndarë në platformën “X” një artikull të “Balkan Insight”, Kramon citon se në Kosovë, “ish-anëtarët e partisë në pushtet Vetëvendosje kanë konfirmuar ekzistencën e një ushtrie dixhitale për të shpërndarë informacione dhe për të shënjestruar ata që kanë qëndrime të kundërta”. “Faleminderit për këtë pjesë të rëndësishme. Më të vërtetë ushtria digjitale e Vetëvendosjes kufizon lirinë e shprehjes”, ka shkruar Von Cramon krahas artikullit. Edhe në të kaluarën Kramon është përfshirë në një replikë me zëdhënësin e Qeverisë së Kosovës për këtë çështje. Ajo tha se ‘robotë’ të Qeverisë së Kosovës në internet po sulmonin asistentin e saj.