Për të tretën herë me radhë Kryesia e Kuvendit ka dështuar në mbajtjen e mbledhjes në mungesë të kuorumit, duke pamundësuar dërgimin përpara të agjendës parlamentare. Për këtë, kryeparlamentari Glauk Konjufca po e fajëson Listën Serbe, që sipas tij, sa herë shohin që ka mungesë të deputeteve të tjerë, largohen nga mbledhja për ta dështuar atë. Madje, Konjufca thotë se me këto veprime Lista Serbe po shantazhon hapur. Por, ndryshe nga Konjufca për mospjesëmarrjen e tyre në mbledhje të qeverisë, nuk u ankua edhe Kryeministri, Albin Kurti, i cili as nuk komentoi sjelljen e tyre. Ndërsa opozita përgjegjësinë po ia hedh LVV-së. Megjithëkëtë Konjufca duke u bazuar në mandatin e tij, në koordinim me nënkryetarët e kuvendit dhe kryetarët e grupeve parlamentare ka caktuar seancës e radhës për të enjten në ora 10.