Numërimi i votave të kandidatëve për deputetë dhe verifikimi i votave për subjektet politike është në përfundim. Megjithatë, gjatë këtij procesi janë në katër komuna janë evidentuar edhe manipulime me metodën që njihet si "treni bullgar". Në dy vendvotime në komunën e Shtimes, komisionerët e Lidhjes Demokratike të Kosovës në kutitë e votimit gjetën tri fletëvotime të pavulosura që shkonin për Lëvizjen Vetëvendosje. Përpos në Shtime, edhe në Gjakovë u raportua nga ish-deputeti, Hajdar Beqa për manipulime me metodën e njëjtë. Për rastin në Shtime, Prokuroria Themelore në Ferizaj ka njoftuar se ka nisur hetim dhe thotë se ka autorizuar policinë e Kosovës të bëjë grumbullimin e informacioneve. Edhe në Gjakovë, prokuroria ka konfirmuar se ka nisur mbledhjen e informacioneve lidhur me dyshimet se në një vendvotim në Gjakovë ka pasur manipulim të procesit zgjedhor. Metoda e "trenit bullgar", dyshohet se është përdorur edhe në Vushtrri e Pejë. Megjithatë prokuroritë përkatëse për dy rajonet nuk kanë konfirmuar nisjen e hetimeve. Në rast se prokuroria konfirmon se ka pasur manipulime, njohësit thonë se kjo do të mund të dëmtojë procesin zgjedhor. Për një kohë shumë të gjatë Kosova është mbajt si një vend që ka zgjedhje të lira dhe demokratike me integritet të lartë, prandaj prokuroria duhet të zhvillojnë këto hetime dhe të sigurohet që nëse ka pretendime të konfirmuara të tilla edhe personat përgjegjës të dalin para drejtësisë dhe të marrin dënimin e merituar Mes tjerash, kërkohet edhe rinumërim në ato vendvotime në mënyrë që të ruhet integriteti i procesit zgjedhor. Duke u bazuar në numrin e fletëvotimeve mundet dhe do të duhej që në rastin më ekstrem të shkohet në rivotim, por nëse janë raste të izoluara atëherë kjo nuk do të duhej të cenonte gjithë procesin zgjedhor, por në ato vendvotime të bëhet një rinumërim Kosova mbajti zgjedhjet e rregullta parlamentare më 9 shkurt, ku 40.59% e qytetarëve me të drejtë vote morën pjesë në votim.