Prej sot, Kosova është bërë mikpritëse e ushtrimit më të madh ushtarak shumëkombësh, “Defender Europe 2025”, i cili zhvillohet kryesisht në komunën e Gjakovës. Nën udhëheqjen e Komandës së Ushtrisë Amerikane për Evropë dhe Afrikë, rreth 25 mijë trupa ushtarake nga 29 shtete aleate dhe partnere të NATO-s do të simulojnë operacione mbrojtëse, sulmuese dhe të stabilitetit. Pjesëmarrja e Forcës së Sigurisë së Kosovës (FSK) në këtë ushtrim vlerësohet si një mundësi e rëndësishme për zhvillim ushtarak, por konsiderohet se vetë Kosova do të përfitojë edhe politikisht nga kjo stërvitje.