Top Channel/ Kosova në tryezë me Serbinë në Bruksel pas 3 muajsh, Bislimi: Asnjë rezultat konkret
24/10/2024 19:43

Kryenegociatorët e Kosovës dhe Serbisë, Besnik Bislimi dhe Petar Petkoviq, nuk kanë arritur përsëri pajtueshmëri gjatë një takimi të enjten në Bruksel, për mënyrën se si të ecet përpara në rrugën drejt normalizimit të marrëdhënieve mes Kosovës dhe Serbisë. Në një takim trepalësh të dialogut nën ndërmjetësimin e të dërguarit të Bashkimit Evropian, Mirosllav Lajçak, ata thanë se u pajtuan vetëm për disa çështje “më pak të rëndësishme”. Duke folur pas takimit kryenegociatori i Kosovës, Besnik Bislimi, tha se në fokus të takimit ishte gjetja e një mënyre për zbatimin e plotë të Marrëveshjes Bazë, për të cilën Kosova dhe Serbia u pajtuan në fillim të vitit 2023. “Fatkeqësisht për temën kryesore që jemi mbledh, nuk ka rezultat. Në pikën rreth ecjes përpara në normalizimin e raporteve. Serbia me gjasë ende po ngul këmbë në zbatim të pjesshëm, pra sipas idesë, ‘ne bëjmë diçka ju bëni diçka’”, tha Bislimi. Kryenegociatori i Serbisë, Petar Petkoviq, tha pas takimit se Beogradi “nuk po ikë” nga detyrimet që dalin nga Marrëveshja Bazë, por se Prishtina duhet të jetë e para që do të fillojë, duke nisur me themelimin e Asociacionit të komunave me shumicë serbe. “Thelbi i asaj Marrëveshjeje nga Ohri është, para së gjithash, formimi i Asociacionit të komunave me shumicë serbe”, tha Petar Petkoviq, duke shtuar se ajo është “shtylla” e procesit të dialogut. Kosova ngul këmbë se kjo marrëveshje duhet të nënshkruhet së pari, edhe pse BE-ja thotë se ajo është detyruese për palët pavarësisht nënshkrimit, dhe e ka akuzuar Serbinë edhe në të kaluarën se dëshiron vetëm zbatimin e pjesshëm të saj. Takimi trepalësh i pasoi takimet dypalëshe që i dërguari i bllokut Mirosllav Lajçak mbajti me përfaqësuesit e të dyja vendeve fillimisht. Bislimi shtoi se pala serbe ka thënë se kryeministri i Serbisë, Millosh Vuçeviq, ia ka dërguar një letër Komisionit Evropian, në të cilën thekson se shteti i tij është i përkushtuar t’i zbatojë detyrimet që dalin nga Marrëveshja Bazë. Por, ai theksoi Serbia duhet së pari ta tërheqë letrën e ish-kryeministres Ana Bërnabiq, me të cilën kishte dalë kundër marrëveshjes, për t’u cilësuar si e sinqertë përpjekja e Vuçeviqit. Në lidhje me themelimin e Asociacionit, e cila është ndër detyrat kryesore të Kosovës në këtë marrëveshje, Bislimi tha se vendi i tij nuk do t’iu ikë detyrimeve nëse nënshkruhet Marrëveshja. “Nuk mund të insistohet kur, për këtë punë, së pari duhet të zgjidhet udhëheqja e re e komunave. Mendoj se duhet të plotësohen disa kushte tjera. Por, e kemi bërë të qartë se në atë moment kur ka dakordim për zbatimin e plotë të Marrëveshjes bazë, Kosova nuk i ik asnjë prej obligimeve të saja”, tha ai. Ky ishte takimi i parë trepalësh pas më shumë se tre muajve, pasi në takimeve e kohëve të fundit, Bislimi dhe Petkoviqin nuk kishin arritur pajtueshmëri për t’u takuar së bashku. Zëdhënësi i BE-së, Peter Stano, duke folur një ditë para takimeve në kuadër të dialogut, kishte thënë se mbajtja e një takimi të përbashkët do të varej nga vullneti i palëve. Në takimin e fundit në shtator, Lajçak nuk arriti t’i bindë Bislimin dhe Petkoviqin të mbajnë takim trepalësh, pasi ata kishin mospajtime për temat që do të donin t’i shtjellonin. Në lidhje me temat që pritet të shtjellohen në takimet në Bruksel, Stano tha se ato kanë të bëjnë me nevojën për zbatimin e detyrimeve nga dialogu i deritashëm, përfshirë edhe Marrëveshjen për rrugën drejt normalizimit të marrëdhënieve, për të cilin Kosova dhe Serbia u pajtuan në fillim të vitit 2023. “Agjenda është e njëjtë sikur që ka qenë edhe në të kaluarën, pra nevoja për nisjen urgjente të zbatimit të obligimeve nga dialogu. Nevoja për nisjen urgjente të zbatimit të Marrëveshjes së Ohrit dhe nevoja që edhe Kosova edhe Serbia të pajtohen për progresin në dialog”, tha Stano. Deri më tani, zakonisht ishin zhvilluar takime dypalëshe mes të dërguarit të BE-së për dialogun, Mirosllav Lajçak, dhe kryenegociatorëve të Kosovës dhe Serbisë, por jo edhe takime trepalëshe. Herën e fundit kur ishte zhvilluar një takim trepalësh ka qenë takimi i 2 korrikut të këtij viti. Megjithatë, pas takimit palët dolën me qëndrime diametralisht të kundërta rreth asaj që kishte ndodhur në takime. Palët e kishin akuzuar njëra-tjetrën për “mungesë të gatishmërisë për dialog”. Ditëve të fundit, Lajçak ka mbajtur konsultime me palët. Por, përpos pohimeve se po shqyrtohet rruga përpara në dialog, nga ana e BE-së – që ndërmjetëson këtë proces që ka nisur më 2011 – nuk kanë dhënë hollësi se me cilat tema do të merren palët në takimet e radhës. Në BE, por edhe në NATO gjithnjë e më shumë po shprehin pakënaqësi lidhur me rrjedhën aktuale të dialogut, duke thënë se procesi nuk po prodhon rezultatet e pritura. Kështu ka konstatuar edhe sekretari i Përgjithshëm i NATO-s, Mark Rutte, duke shprehur shqetësim për këtë. Emisari evropian për dialogun, Mirosllav Lajçak, ka mandat në këtë post deri në fund të muajit janar të vitit 2025. Ndërkaq, në BE presin të shohin se çfarë qasje rreth dialogut do të ketë përfaqësuesja e e re e lartë për politikë të jashtme, Kaja Kallas, pasi ajo të marrë mandatin. Mandati i saj do të nisë kur të jetë gati i tërë ekipi i ri i Komisionit Evropian, pasi të konfirmohet nga Parlamenti Evropian. Kryeministri i Kosovës, Albin Kurti, ka deklaruar se pret dinamikë të re nga Komisioni Evropian, sa i përket dialogut.

Top News- S’ka zgjidhje të minutës së fundit / Kosovë, ngërçi kalon në dorë të Kushtetueses
27/07 13:20
Top News- Kërkohet fajtori për dështimin/ Maxhorancë e opozitë, gishtin nga njëra-tjetra
27/07 13:19
Top Channel/ 54 dështime, Kosova pret kushtetuesen! Kurti nuk u tërhoq nga votimi i fshehtë
27/07 12:49
Top Channel/ Prova fundit për konstituimin e Kuvendit të Kosovës! Përsëritet skenari, dështon seanca
26/07 23:00
Top News- Edhe Kosova po ‘lufton’ me flakët!/ 29 vatra zjarri aktive në vendin fqinj
26/07 22:45
Top News- Ministri Xhelal Zveçla thotë se sonte konstituohet Kuvendi i Kosovës
26/07 21:57
Top News-Temperaturat mbi 40 gradë!/ Kosovë, IKSHP-Shmangni daljen gjatë orëve të nxehta
26/07 21:45
Top Channel/ Sot prova e fundit në Kosovë, parlamenti do të mblidhet dy orë para skadimit të afatit
26/07 19:30
Top News -Nuk ka ‘tym të bardhë’ në Kosovë. Para mesnate, tentativa e fundit për zgjidhjen e ngërçit
26/07 17:51
Top Channel/ Kriza nuk mbaron/ Kuvendi i Kosovës “zvarritet” në seanca që nuk japin asnjë zgjidhje
26/07 15:42
Top Channel/ Sot seanca e fundit/ Çfarë ndodh nëse dështohet të krijohet parlamenti i Kosovës?
26/07 12:52
Top News – Shansi i fundit për ujdi. Kuvendi i Kosovës mblidhet para skadimit të afatit
26/07 11:43
Top Channel/ Kosova,Kushtetuesja ndaloi mbajtjen e seancës konstituive të Kuvendit pas afatit 1 muaj
25/07 15:15
Top Channel/ Kosova, testi i fundit! Kushtetuesja ndaloi mbajtjen e seancës konstituive të Kuvendit
25/07 12:46
Top Channel/ Kosova pa Kuvend! Ambasadorët e vendeve perëndimore do të ndjekin seancën
25/07 11:21
Top Channel/ Konstituimi i Kuvendit, Haradinaj: Të gatshëm për zgjedhje, por si opsion i fundit
25/07 11:20
Top Channel/ Ngërçi politik në Kosovë, Haxhiu: Nëse s’ka reflektim, rruga e vetme është…
25/07 11:18
Top News- Kushtetuesja ‘ngrin’ partitë në Kosovë/ Pezullon konstituimin e Kuvendit deri më 8 gusht
25/07 09:47
Top Channel/ Kosovë, Gjykata Kushtetuese merr vendim: Pezullohet Kuvendi
24/07 23:17
Top News- E drejta e VV për të propozuar/ Kusari-Kushtetuesja nuk e shfuqizon dot, vetë e ka njohur
24/07 17:21