Presidentja e Kosovës Vjosa Osmani vizitoi akademinë e famshme ushtarake tëWest Point në SHBA, ku i është rezervuar një pritje mbresëlënese. Osmani publikoi një video ku dëgjohen kadetët dhe ushtarët amerikanë duke brohoritur ”Kosova, Kosova, Kosova” dhe duke e duartrokitur të gjithë bashkë. Presidentja, që mbajti më pas një fjalim përpara tyre, tha se ndihej jashtëzakonisht e nderuar me pritjen madhështore që iu bë nga ushtria amerikane. “Himni i Republikës së Kosovës në akademinë ushtarake më me ndikim të SHBA-së – vendi ku shumë nga ushtarët tanë janë trajnuar për ta mbajtur Republikën tonë më të sigurt për të gjithë!”, ka shkruar ajo. Osmani udhëtoi një ditë më parë në Nju Jork në kuadër të Javës së Nivelit të Lartë të sesionit të 79-të të Asamblesë së Kombeve të Bashkuara ku do të zhvillojë takime me liderë botërorë, organizata ndërkombëtare, si dhe aktivitete tjera zyrtare.Në axhendën e saj, presidentja e Kosovës ka takime me homologëj, diskutime të organizuara nga shtetet aleate, si dhe aktivitete të përbashkëta me diasporën shqiptare në Shtetet e Bashkuara të Amerikës.