Koreja e veriut i ka shpallur luftë xhinseve, filmave të huaj dhe zhargoneve; një ligj i ashpër i miratuar së fundi parashikon ndëshkime brutale për këdo që shkel rregullat ndërkohë që vendi i izoluar komunist kërkon të zhdukë cdo lloj ndikimi të huaj. BBC sjell rrëfimin e Yoon Mi-so e cila thotë se ishte 11 vjeçe kur pa për herë të parë një burrë të ekzekutohej sepse u kap me një film dramatic koreano-jugor. E gjithë lagjia u urdhërua ta shohte vrasjen e tij. “ Nëse nuk e bënim, kjo do të quhej tradhëti”, tha vajza që tashmë jeton në Seul. “ E kam ende para syve momentin që e nxorrën me dytë e lidhura. Aq shumë i rridhnin lotët, sa e fasha që i mbulonte sytë ishte lagur e tëra. Ai moment ka qenë traumatic për mua”, shton Mi-so. Imagjinoni të jeni në një gjendje bllokimi të vazhdueshem, pa internet, pa media sociale dhe vetëm disa kanale televizive të kontrolluara nga shteti e që përcjellin vetëm ato të cilat udhëheqësit e vendit duan që njerëzit të dëgjojnë, kjo është jeta në Korenë e Veriut, shpjegon BBC. Kim Jong une tani e ka shtrënguar akoma edhe më shumë situatën me aprovimin e një ligji të ri brutal kundër atij që regjimi e përshkruan si “mendim reaksionar”. Kushdo që kapet me filma apo cdo lloj medie Koreja e Jugut, Shtetet e Bashkuara ose Japonia tani përballet me dënimin me vdekje. prerjet e flokëve dhe veshjet po ashtu janë rreptësisht të kontrolluara për të shmangur ndikimin e huaj, të përshkruar si “një helm i rrezikshëm” për popullatën.