Një konflikt me sende të forta mes disa personave ka ndodhur këtë të hënë në Kamëz. Ngjarja ka ndodhur në rrugën “OSBE” ku për motive të dobta janë përfshirë në konflikt dy drejtues automjetesh. Si pasojë, është dëmtuar me sende të forta 38-vjeçari Redi Vata, i cili ndodhet në spital, jashtë rrezikut për jetën. Sikurse duket nga pamjet në vendin e ngjarjes, një automjet tip “Benz” është qëlluar në xhamin e parë.