Rezultoi i rremë kërcënimi me bombë në Aeroportin Ndërkombëtar të Prishtinës “Adem Jashari”, i cili tashmë është hapur për fluturime. Njoftimin e bëri vetë zëdhënësja e aeroportit, Valentina Gara, përmes një postimi ën Facebook. Gara ishte shprehur më herët pas kërcënimit me bombë, udhëtarët dhe personeli në aeroport ishin evakuar. Policia njoftoi se dy kërcënime me mjete shpërthyese kishin mbërritur përmes emailit. Pas evakuimit të stafit, është bërë kontrolli i imtësisht i hapësirave të aeroportit, dhe kështu ka rezultuar se kërcënimet nuk ishin të vërteta”, sqarohej në njoftimin e forcave të rendit. Në fund të dhjetorit të vitit 2022, në Aeroportin e Prishtinës pati një kërcënim me bombë, i cili gjithashtu rezultoi i rremë. Edhe në atë rast, u procedua në të njëjtën mënyrë: u evakuan të gjithë udhëtarët dhe personeli i aeroportit. Por sërish, pas kontrolleve të kryera, nuk u gjet asnjë mjet shpërthyes. Një episod i ngjashëm vuri në lëvizje policinë e Kosovës edhe qershorin e vitit të kaluar. Në të njëjtën periudhë, edhe në disa shkolla në veri të Kosovës u ndërpre disa herë procesi mësimor për shkak të mesazheve anonime kërcënuese sipas të cilave në këto shkolla ishin vendosur bomba.