Një ditë para shkarkimit nga detyra, kreu i komisariatit të Shkodrës, Nik Nikolla, zbriti në fshatin turistik të Thethit për të parë nga afër aksionin e Inspektoratit Kombëtar të Mbrojtjes së Territorit për shembjen e kabinave pa leje, të urdhëruar nga kryeministri Edi Rama. Por, inspektimi i kryepolicit nuk shkoi aq mirë, pasi ai u përball me banorët e revoltuar, që kundërshtojnë aksionin në mes të sezonit turistik. Vetë kryepolici e qytetit verior Nikolla nuk reagoi ndaj akuzave të banorëve, por iu kërkon që t’i drejtohen Prokurorisë. Por siç shihet dhe nga pamjet, Nikolla e tërheq nga bluza banorin për ta nxjerrë nga rreshti, por nuk arrin, pasi ai mbrohet nga protestuesit e tjerë.