Në një mesazh televiziv kryeministri grek Kyriakos Mitostakis ka propozuara si kandidat të Demokracisë së Re për postin e presidentit të ardhshëm të Republikës së Greqisë kryetarin e Parlamentit Konstantinos Tasoulas Shpirti i tij unifikues dhe virtytet e tij të kombinuara , mendoj se janë vërtetuar nga mënyra e shkëlqyer , e pranuar nga të gjithë , me të cilën ai ka menaxhuar deri tani punën e Kuvendit në një reliev partiak shumë të vështirë . 66-vjeçari që ka propozuar Mitsotakis , me origjinë nga Janina ka qenë avokat dhe ligjvënës që nga viti 2000 dhe ka shërbyer si ministër i kulturës, është zgjedhur 3 herë kryetar parlamenti duke siguruar shumicën më të madhe të votave në Greqinë e pas juntës ushtarake në vitin 1974. Pas shpalljes së kandidaturës së re , presidentja greke në detyrë Katerina Sakellaropoulou, mandati pesëvjeçar i së cilës përfundon në 13 mars, shprehu mirënjohjen e saj ndaj z. Mitsotakis , ndërsa vetë z. Tasoulas në fjalën e tij në parlament e ka falenderuar kryeministrin për nderin e madh. Propozimi i kreut të Demokracisë së Re dhe kryeministrit Kyriakos Mitsotakis për postin e Presidentit të Republikës, është për mua një nder dhe përgjegjësi supreme. Tasoulas njoftoi gjithashtu nisjen e menjëhershme të procedurave për zgjedhjen e Presidentit të Republikës, ku votimi i parë do të bëhet të shtunën e ardhshme, më 25 janar. Sipas procedurës zgjedhja e presidentit parashikon deri në pesë votime. Dy të parat kërkojnë një shumicë të shtuar prej mbi 200 deputetësh, votimi i tretë 180, i katërti 151 dhe i pesti një shumicë relative. Mes çdo votimi ka 5 ditë, ndërkohë që të gjithë drejtuesit e partive parlamentare kanë të drejtë të propozojnë një kandidat për postin e Presidentit të Republikës. Por z. Tasoulas sipas parashikimeve pritet të marrë në votimin e 4 mbi 165 vota kështu që zgjedhja e tij konsiderohet e sigurt.