Prokuroria Themelore e Gjilanit ka intervistuar 65 komisionerët që ishin të angazhuar në numërimin e votave nga zgjedhjet e 28 dhjetorit në Qendrën Komunale të Numërimit në Viti. Hetimi sikurse edhe në komunat tjera nisi nën dyshimin për falsifikim të rezultatit zgjedhor. Tash kur janë rinumëruar të gjitha votat ka dalë se dhjetëra kandidatëve deputetëve u janë shtuar mijëra vota përmes skemës së manipulimit. Në këtë pikë, nëse nuk ka hetim nga ana e prokurorisë së shtetit për secilin kandidat të njëjtët nuk kanë përgjegjësi penale. Por, sipas monitoruesve të procesit zgjedhor të njëjtët nuk kanë legjitimitet të marrin mandatin e deputetit.