Këngëtarja e njohur Ronela Hajati ka ditur gjithnjë të vijë ndryshe për publikun dhe fansat e saj, që nga muzika që sjell, apo dhe veshja dhe look-u në tërësi. Hajati është ndër ato figura publike që nuk është komentuar asnjëherë për ndërhyrje kirurgjikale estetike në fytyrë, por ka zgjedhur që të përqafojë bukurinë natyrale. Por ndërsa të shumtë janë fansat e saj që e pëlqejnë për pamjen dhe për tipin interesant që ka, karakterizuar nga batutat, së fundmi në rrjetet sociale duket se disa përdorues e kanë bezdisur me disa komente. Bëhet fjalë për disa komente që bënë në pah linjat trupore dhe peshën e saj, pas të cilave Ronela Hajati ka zgjedhur që të reagojë dhe të vendosë pikat mbi i për këtë gjuhë denigruese me të cilën i janë drejtuar. “Kush ulet dhe komenton, harxhon kohë që mund ta harxhojë për të punuar e për t’ju çuar bukë në shtëpi familjes, rrinë gjithë ditën parazitojnë në tel e flasin akoma për peshë, moral (që s’kanë pikën e haberit ç’bëjmë me jetët tona), veshje, jeni për të ardhur keq!”, ka shkruar Hajati në një postim të bërë në Instastory.