Bindjet politike nuk i kanë ndaluar të bëhen bashkë Julinda Dhamen dhe Julia Ilirjanin. Ato kanë postuar një foto së bashku duke buzëqeshur pesë ditë nga nisja zyrtare e fushatës zgjedhore. Julinda Dhame është kandidate e PS në listën e hapur të Partisë Socialiste, kurse Julia Ilirjani është kandidate e listës së hapur të Aleancës për Shqipërinë Madhështore. Krahas fotos Dhame ka shkruar se edhe pse s’janë në anën e njëjtë të spekterit politik, askush s’i ndalon nga dëshira e përbashkët për një Tiranë më të mirë. “Edhe kur s’jemi në të njëjtën anë të spektrit politik, me @juliailirjani s’na ndan dot kush nga dëshira për një Tiranë më të mirë. Ajo me idetë e saj, unë me kokëfortësinë time – por që të dyja me dashni për qytetin tonë”, ka shkruar Dhame. Pak orë na ndajnë nga ndezja e motorëve të fushatës elektorale në këto zgjedhje, ku deri më tani anëtarët e partive deri më tani kanë shpalosur programet e tyre, ndërsa s’kanë kursyer akuzat ndaj njëri-tjetrit.