Një valë e të nxehtit ekstrem ka nisur të godasë gadishullin italian dhe ishujt e tij, ndërsa parashikohet që vendi të thyejë një rekord temperaturash të larta Ministria e Shëndetësisë ka lëshuar një alarm të kuq, i vlefshëm gjatë gjithë fundjavës, për 16 qytete qendrore, nga Roma në Bolonja dhe nga Firence në Pescara, ku termometri duhet të arrijë 40 gradë celsius të dielën, përpara kulmit që pritet në fillim të javës. Në Romë, temperaturat mund të rriten mbi 43°C të martën, duke thyer rekordin e mëparshëm prej 40,5°C të regjistruar në kryeqytet në gusht 2007. Rekordi prej 48,8°C që daton nga 11 gushti 2021, temperatura më e lartë e matur ndonjëherë në Evropë, mund të mposhtet edhe në Sardenjë. Veriu i gadishullit nuk duket se do të kursehet nga temperatuarat e larta. Të martën në Milano termomentri do shënojë 38°C. Strukturat shëndetësore dhe mjekësore janë tashmë të mobilizuara në të gjithë vendin për t’u kujdesur për personat më të brishtë që vuajnë veçanërisht nga dehidratimi dhe për të ndërhyrë në shtëpitë e të moshuarve. Në vitin 2022, nxehtësia në Evropë vrau 60 000 persona, përfshirë 18 000 në Itali.