400 mijë raste të reja brenda 24 orësh dhe India vendos kështu një rekord të ri infektimesh nga koronavirusi. Bilancin e konfirmoi vetë ministria Indian e shëndetësisë, e cila shtoi gjithashtu se numri i vdekjeve në harkun kohor të një ditë ishte 3.523, cka e con në 211.853 shifrën totale të jetëve të humbura atje nga pandemia. Dëshpërimi është i madh. Teksa kriza në vend sa vjen e thellohet, Shtetet e Bashkuara i bënë thirrje qytetarëve të tyre të largohen prej andej. DASH lëshoi një paralajmërim të shëndetit të nivelit 4, më i larti që ekziston. Mediat italiane përcjellin këto ditë lutjen e një dy bashkëshortëve nga Firence që udhëtuan drejt Indisë të adoptonin një vajzë 2 vjece, por mbetën të bllokuar atje. “ Ju lutemi na ndihmoni të kthehemi, këtu po vdesin të gjithë”, ishte apeli prekës i Simonetta Filippini e Enzo Galli. Në të njëjtën situatë me ta, janë edhe 70 italianë të tjerë. Në Dlehi të Indisë sakaq, zyrtarët kërkuan që të gjenden vende të reja për djegien e viktimave, pasi morgjet dhe krematoriumet e qytetit janë të mbingarkuara me viktimat e koronavirusit.