Myftiu i Kosovës, Naim Tërnava ka mbajtur një qëndrim për deklaratat e bëra në rrjetet sociale nga imami i tashmë i pensionuar Mazllam Mazllami që cilësoi leckë flamurin e Kosovës. “Unë jam myfti i Republikës dhe gjithherë bazohemi edhe në librin tone të shenjtë, në Kur’anin famëlartë. Flamuri është një shenjëtri në fenë islame, sepse pa dashtë të hy, sepse pyetja bëhet në aspektin fetar, është një shenjtëri, ku edhe vetë edhe luftërat, të cilat i ka zhvilluar Muhamedi alejhi selam në kohën e tij para 1400 vjete, i ka dhënë vlerë të jashtëzakonshme flamurit dhe nën flamurin pra është bërë edhe lufta kundër kundërshtarëve.”, tha ai, duke shtuar se është një pasqyrë në të cilën ne e shohim veten. Tërnava dënoi edhe sulmin ndaj gazetarit Valon Sula, duke u shprehur feja islame lufton çdo formë të dhunës. “Islami, por edhe vetë Bashkësia Islame e Kosovës ka qenë në vazhdimësi, është dhe do të jetë kundër çdo lloj dhune, në veçanti asaj fizike, që është e padrejtë që të përdoret ndaj kujtdo qoftë ai. Bashkësia Islame e Kosovës në vazhdimësi do të përkrahë, do të jetë kujdestare e shprehjes së lirë, e fjalës së lirë”, tha ai , duke shtuar se BIK respekton mendimin ndryshe dhe dënon çdo akt të dhunës, edhe atë të gazetarit Syla. Myftiu i Kosovës uroi po ashtu të gjithë qytetarët me rastin e Fitër Bajramit.