Më pak se gjashtë muaj ka zgjatur Aventura e Orges Shehit tek Partizani. Pasi u emërua në dhjetor të vitit 2023, dhe zhvilloi dy fazat e mbetura të edicionit të shkuar ku humbi finale me Egnatian në Final Foru për t’u renditur I dyti, trajneri durrsak që të kuqt e morën menjëherë pas largimi nga Tirana, nuk ka rezistuar shumë. Rezultate jo ashtu si I prisnin drejtuesit e klubit të kuq, në kupat e Europës, ku Partizani arriti deri në raundin e dytë eliminator me vështirësi. Në raundin e parë ata eliminuan maltezët e Marsaxlok me rezultatin e përgjithshëm 3-2, ndërkohë në ndeshjen e dytë përballë gjeorgjianëve të Iberias të kuqt u eliminuan me rezultatin e përgjithshëm 2-0 pasi humbën në transfertë dhebarazuan në “Elbasan Arena” 0-0. Këto paraqitje me sa duket nuk kanë bindur drejtuesit es kuadrës kryeqytetase për të vazhduar me të. Duket disi e cudishme kur më pak se dy javë starton dhe sezoni I ri I Kategorisë Superiore vjen kjo ndarje që sipas njoftimit të klubit Partizani është një divorc me marrëveshje. Në 27 ndeshjet nën drejtimin e të kuqve Orges Shehi numëron një bilanc me 13 fitore, 6 barazime dhe 8 humbje. Për fillimin e sezonit drejtuesit e Partizanit kanë vendosur që skuadra do të drejtohet sërish nga drejtori teknik Arbër Abilaliaj, një post të cilin ai e mbajti edhe në periudhën deri sa të emërohej Shehi, në pritje të zgjidhjes skontratës që e mbajti për pak kohë pezull me Tiranën.